De conformidade co sinalado no artigo 34.1º da Lei 1/1997, do 24 de marzo, do solo de Galicia, faise público que o Concello Pleno do Concello de Cangas, en sesión de data 29 de xaneiro de 1999, adoptou o seguinte acordo:

Primeiro.-Suspende-lo procedemento de outorgamento de licencias urbanísticas de parcelación de terreos, edificación e demolición en toda a área do solo apto para urbanizar de uso industrial (SAUI) localizado na zona de Anguieiro-A Portela, co fin de estudiar para a zona o correspondente plan parcial.

Segundo.-A suspensión extinguirase, en todo caso, no prazo dun ano. Se dentro deste prazo se produce o acordo de aprobación inicial do instrumento urbanístico mencionado, a suspensión manterase para as áreas das que as novas determinacións de planeamento supoñan modificación da ordenación urbanística e os seus efectos extinguiranse definitivamente transcorrido un ano desde a adopción do acordo de aprobación inicial.

Terceiro.-O presente acordo terá efectividade unha vez se publique no BOP, DOG e La Voz de Galicia.

Contra o acordo de suspensión mencionado poderá interpoñerse no prazo de dous meses seguintes ó da publicación deste anuncio no Diario Oficial de Galicia, recurso contencioso-administrativo ante Tribunal Superior de Xustiza de Galicia, trala comunicación o órgano que o dictou, de conformidade co artigo 110.3º da Lei 30/1992, do 26 de novembro, de réxime xurídico das administracións públicas e

do procedemento administrativo común, sen prexuízo de que poida exercer calquera outra que estime procedente.

Cangas, 26 de febreiro de 1999.

Euloxio López Gutiérrez

Alcalde