No BOP de Pontevedra número 47, con data do 10 de marzo, aparecen publicadas as bases da convocatoria para cubrir, polo sistema de concurso-oposición, unha praza de técnico de grao medio de Arquivo e Documentación, incluída na oferta de emprego público do exercicio de 1998.

O prazo de presentación de instancias para poder tomar parte nas probas da oposición será de 20 días naturais, contados a partir do seguinte a aquel en que apareza publicado este anuncio no Boletín Oficial del Estado.

Os sucesivos anuncios sobre esta convocatoria publicaranse no BOP de Pontevedra e no taboleiro de anuncios do concello.

Bueu, 10 de marzo de 1999.

Xosé Novas Piñeiro

Alcalde