A Corporación Municipal deste Concello, en sesión celebrada o día 8 de febreiro de 1999, acorda prestar aprobación definitiva ó expediente de modificación puntual das normas subsidiarias de planeamento deste municipio, para cambio de denominación das salas de reunión por locais de ocio, e a súa regulamentación.

De conformidade co establecido no artigo 48.2º da Lei 1/1997, do 24 de marzo, do solo de Galicia, a modificación aprobada deberá publicarse no BOP o documento que conteña a normativa e as ordenanzas.

Contra este acordo, que é definitivo en vía administrativa, poderase interpor directamente e no prazo de dous meses, recurso contencioso-administrativo ante o Tribunal Superior de Xustiza de Galicia na Coruña, sen prexuízo de que poida exercerse, se é o caso, calquera outro recurso que considere procedente.

Sanxenxo, 23 de febreiro de 1999.

J. Luis Rodríguez Lorenzo

Alcalde