Declarados de urxente ocupación os benes e dereitos afectados pola instalación da liña eléctrica aérea a 20 kV de 474 m de lonxitude desde a liña ó C.T. de Ciudadela, centro de transformación tipo intemperie e rede de baixa tensión no lugar de Igrexa-Insua, do termo municipal de Sobrado dos Monxes (expediente 292/1997) por resolución desta Delegación Provincial de Industria do 8 de outubro de 1998, a favor da entidade beneficiaria Unión Eléctrica-Fenosa, S.A. con domicilio na Avda. de Arteixo, nº 171, 15007 da Coruña.

Esta delegación acorda sinala-lo día 25 de marzo de 1999 para o levantamento das actas previas á ocupación de conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril de 1957, nas que se describirán os bens e dereitos expropiables e de imposición de servidume de paso de enerxía eléctrica contidos na relación de predios que se expón xunto con esta resolución no taboleiro de edictos do Concello de Sobrado dos Monxes, deducida da que se someteu a información pública no Diario Oficial de Galicia do 19-6-1998 e no BOP do 21 de maio, e no xornal La Voz de Galicia do 18 de maio, acto ó que deberán concorrelos propietarios propostos dos predios afectados, ós que

se lles practicará notificación individual sinalándoselle-los horarios de toma de datos sobre o terreo e do levantamento efectivo das actas nas oficinas da referida casa do concello.

Esta publicación realizarase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 17 de febreiro de 1999.

Jesús Espada Martínez

Delegado provincial da Coruña