De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan, as resolucións dos ditos expedientes, por infracción á Lei 7/1992, do 24 de xullo, sobre pesca fluvial.
Contra a dita resolución e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común, no prazo dun mes contado a partir do día seguinte ó desta publicación, poderá interpoñer recurso ordinario
ante o conselleiro de Medio Ambiente (Decreto 482/1997, do 30 de decembro, DOG do 8-1-1998, polo que se establece a estructura orgánica da Consellería de Medio Ambiente). Transcorrido o prazo de interposición do recurso sen que este fose presentado, esta resolución será firme para tódolos efectos.
O importe da sanción, así como o da indemnización, farase efectivo dentro do prazo dun mes contado desde o momento en que a resolución sexa firme, na conta nº 2091-0388-90-3110001181 de Caixa de Galicia. De non facelo dentro do prazo sinalado procederase ó seu cobramento pola vía de constrinximento.
Para proceder ó aboamento da sanción, deberá utiliza-los impresos normalizados que lle serán facilitados nesta Delegación Provincial de Lugo, Ronda da Muralla, nº 70-1ª planta.
ANEXO
-Expediente nº: P-65/98.
Denunciado: Marco Antonio Vigo Platas.
DNI: 33.336.773
Enderezo: Avda. da Coruña, 148-2º-Lugo.
Feito denunciado: non respecta-las limitacións de tamaño fixadas pola Orde do 14-1-1998, ó capturar unha troita de tamaño inferior ó regulamentario (17 cm), o día 29-3-1998, no couto da Pobra-río Neira-Páramo.
Precepto sancionador: artigo 33.9º da Lei 7/1992.
Cualificación: leve.
Sanción: 10.000 ptas. de multa e 3.000 ptas. de indemnización por danos e perdas.
Lugo, 26 de xaneiro de 1999.
Luis González Vázquez
Delegado provincial de Lugo