De conformidade coa proposta elevada pola comisión constituída para xulga-lo concurso convocado por resolución desta universidade do 1 de xullo de 1998 (BOE do 21 de xullo) para a provisión da praza de profesor titular de universidade da área de coñecemento de enxeñería agroforestal (Lugo) do departamento de Enxeñería Agroforestal da Universidade de Santiago de Compostela, a favor de Rafael Crecente Maseda, tendo en conta que o interesado cumpre os requisitos a que alude o punto 2 do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Rafael Crecente Maseda, profesor titular de universidade da área de coñecemento de enxeñería agroforestal (Lugo), do departamento de Enxeñería Agroforestal da Universidade de Santiago de Compostela.
Santiago de Compostela, 26 de febreiro de 1999.
F. Darío Villanueva Prieto
Rector da Universidade de Santiago de Compostela