Aprobado inicialmente polo Concello en Pleno, en sesión do 18 de febreiro de 1999, o proxecto de servicios exteriores de abastecemento de auga e depuración de residuais do parque empresarial de Guitiriz, en aplicación do disposto no artigo 44.3º da Lei 1/1997, do 24 de marzo, do solo de Galicia, sométese a información pública polo prazo dun mes contado a partir da inserción deste anuncio no Diario Oficial de Galicia. Durante o prazo o expediente poderá ser examinado polos interesados na secretaría deste concello para formularen as alegacións ou reclamacións que consideren pertinentes.
Guitiriz, 3 de marzo de 1999.
María José Vázquez Lorenzo
Alcaldesa