Para adxudicar por concurso público, vía de procedemento aberto e urxente, un contrato de consultoría e a asistencia ó Concello de Cervo para a redacción do proxecto técnico de paseo peatonal da ría de Lieiro á praia de Limosa.

Este anuncio efectúase para cumprir co artigo 326 da Lei 5/1997, do 22 de xullo, de Administración local de Galicia.

1. Entidade adxudicadora.

Concello de Cervo, praza do Concello, 27891 Cerbo (Lugo). Teléfono: 982 55 77 77. Fax: 982 55 77 29.

2. Obxecto de contrato.

a) Descrición do obxecto: consultoría e asistencia ó Concello de Cervo para a redacción do seguinte proxecto técnico a nivel básico e de execución:

Proxecto para paseo peatonal da ría de Lieiro á praia de Limosa.

b) Lugar de execución: o proxecto executarase en Lieiro, termo municipal de Cervo.

c) Prazo de entrega do proxecto: 1 mes desde a sinatura do contrato.

3. Tramitación, procedemento e forma de adxudicación:

a) Tramitación: urxente, segundo o acordo corporativo.

b) Procedemento: aberto.

c) Forma: concurso.

4. Orzamento base de licitación: 6.069.614 ptas., tódolos impostos incluídos.

5. Garantías: as marcadas pola lei.

6. O anuncio de licitación completo publícase no BOP de Lugo, publicación que abre o prazo de presentación de propostas. A demais información reflíctese no prego de bases que está á disposición dos interesados, do que se poderá obter copia.

Cervo, 4 de marzo de 1999.

Roberto Álvarez Fernández

Alcalde