No BOP de Ourense, do día da data, publícanse íntegros os pregos de condicións para contratación das obras que se relacionan, mediante poxa, en procedemento aberto e trámite urxente. As ofertas e documentación presentaranse ata as 12 horas do 13º día natural seguinte ó da publicación deste anuncio no DOG, no rexistro xeral da Deputación de Ourense. A apertura da documentación terá lugar o seguinte día hábil (agás sábados), ás 12 horas, no pazo provincial. A documentación que hai que presentar, modelo de presentación e demais datos figuran no mencionado prego de condicións, que lles será facilitado gratuitamente ós que o soliciten, no Rexistro da Deputación Provincial de Ourense, rúa Progreso, 32, ou por teléfono: 988 38 51 00 e fax: 988 38 51 84.
Relación de obras:
-Recuperación de mananciais, fontes e lavadoiros no municipio de Ourense. Proxecto técnico do arquitecto Roberto Rodríguez Martínez, con orzamento de 32.895.084 ptas, das que 30.256.560 lle corresponden á execución das obras e o resto ós honorarios da dirección técnica, ós que non se lles aplica baixa na poxa. Prazo de execución de 3 meses. Clasificación: grupo C, subgrupos 1, 2, 5, 6, 8, categoría c.
Ourense, 1 de marzo de 1999.
O presidente
Rubricado