Pola presente ponse en xeral coñecemento que o Concello Pleno en sesión ordinaria celebrada o día 28 de decembro de 1998 adoptou, entre outros, o seguinte acordo:

Aprobar definitivamente o expediente de cuarta modificación puntual das normas subsidiarias de planeamento municipal, comprensiva dunha única modificación referente ás aliñacións na Avenida de Arousa (C-550) e entroncamento coa praza de Pontevedra (N-550), de conformidade coa última proposta recollida no proxecto corrixido de setembro de 1998, redactado polo arquitecto técnico municipal Luis Guillermo Patiño Fernández. E que se continúe a tramitación do expediente de conformidade co determinado na Lei 1/1997, do 24 de marzo, do solo de Galicia e Lei 7/1995, do 29 de xuño, de delegación de competencias en materia de urbanismo, para a súa entrada en vigor.

O que se fai público en cumprimento do establecido no artigo 8 d) da Lei 7/1995, do 29 de xuño, en relación co artigo 48 da Lei 1/1997, do 24 de marzo, e o 7.2º da Lei 7/1985, do 2 de abril, de bases de réxime local.

Contra o presente acordo, que é definitivo en vía administrativa, poderán os interesados interpoñer

recurso contencioso-administrativo, no prazo de 2 meses, contados a partir do día seguinte ó da publicación deste anuncio no último dos boletíns BOP ou DOG, sen prexuízo de que se poida exercer, se é o caso, calquera outro recurso que se considere procedente.

Pontecesures, 4 de febreiro de 1999.

Victoriano Trenco Romay

Alcalde