Na sesión celebrada o día 1 de marzo, polo tribunal designado para xulga-las probas selectivas para o ingreso no corpo superior da Administración da Xunta de Galicia, escala superior de estatísticos, grupo A, convocada por Orde do 4 de xuño de 1998 (DOG do 25 de xuño) e de conformidade co disposto na base II.1.4 da convocatoria, acórdase:
Primeiro.-Elevar a definitivas as puntuacións obtidas na fase de concurso, ó non haberse presentado reclamacións polos interesados.
Segundo.-Publica-las ditas puntuacións que se atopan expostas nos taboleiros de anuncios da Escola Galega da Administración Pública e do Instituto Galego de Estatística.
Para efectos de información o teléfono de contacto é 902 12 00 12 e 981 54 20 09, en horario de 9 a 19 horas de luns a venres e de 9 a 14 horas ós sábados.
Contra esta resolución os interesados poden interpoñer recurso ordinario ante o conselleiro da Presidencia e Administración Pública no prazo dun mes a partir da súa publicación no Diario Oficial de Galicia.
Santiago de Compostela, 1 de marzo de 1999.
José A. Campo Andión
Presidente do tribunal