Examinados os expedientes instruídos por instancia dos titulares dos centros privados Salvador Moreno de Pontevedra, María Inmaculada de Silleda, El Pilar de Vigo e Escuelas Nieto de Vigo, nos que se solicita autorización definitiva para a súa apertura e funcionamento.
Tendo en conta que os expedientes foron tramitados polas delegacións provinciais da Consellería de Edu
cación e Ordenación Universitaria correspondentes, que se remiten cos respectivos informes.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que concorren nos expedientes os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-la apertura e funcionamento dos centros de educación secundaria, e, como consecuencia disto, establece-la configuración definitiva dos centros existentes no mesmo edificio ou recinto escolar, segundo se especifica no anexo.
Segundo.-A presente autorización producirá efectos progresivamente, a medida que se implanten as ensinanzas autorizadas conforme o calendario de aplicación da nova ordenación do sistema educativo.
Terceiro.-Antes do incicio das ensinanzas de educación secundaria obrigatoria que se autorizan, a delegación provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia nos ditos centros.
Cuarto.-Os centros de educación secundaria que pola presente orde se autorizan, deberán cumpri-la norma básica da edificación NBE-CPI/1996, de condicións de protección contra incendios nos edificios, aprobada por Real decreto 2177/1996, do 4 de outubro (BOE do 29). Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Quinto.-Quedan os centros obrigados ó cumprimento da lexislación vixente e a solicita-la oportuna revisión cando teña que modificarse calquera dos datos que sinala a presente orde.
Santiago de Compostela, 11 de febrero de 1999.
Celso Currás Fernández
Conlleiro de Educación e
Ordenación Universitaria
ANEXO
Provincia: Pontevedra.
Concello: Pontevedra.
Localidade: Pontevedra.
Enderezo: Salvador Moreno, nº 66.
Código do centro: 36006432.
Denominación específica: Salvador Moreno.
Titular: Junta Superior Acción Social de la Armada.
Composición resultante:
a) Centro educación primaria: 6 unidades.
b) Centro de educación secundaria: 4 unidades de educación secundaria obrigatoria.
Provincia: Pontevedra.
Concello: Silleda.
Localidade: Silleda.
Enderezo: María Colmeiro, nº 4.
Código do centro: 36009123.
Denominación específica: María Inmaculada.
Titular: Misioneras de la Doctrina Cristiana.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
d) Centro de bacharelato: 6 unidades das modalidades de Ciencias da Natureza e da Saúde e Humanidades e Ciencias Sociais.
e) Centro de educación especial: 1 unidade (Psíquicos).
Provincia: Pontevedra.
Concello: Vigo.
Localidade: Vigo.
Enderezo: r/ Venezuela, nº 20.
Código do centro: 36011257.
Denominación específica: El Pilar.
Titular: Hermanos Maristas.
Composición resultante:
a) Centro de educación infantil: 6 unidades.
b) Centro de educación primaria: 18 unidades.
c) Centro de educación secundaria: 12 unidades de educación secundaria obrigatoria.
Provincia: Pontevedra.
Concello: Vigo.
Localidade: Lavadores.
Enderezo: Avda. Ramón Nieto, 247.
Código do centro: 36010356.
Denominación específica: Escuelas Nieto.
Titular: Fundación Benéfico Docente Escuelas Nieto.
Composición resultante:
a) Centro de educación infantil: 1 unidade.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
d) Centro de educación especial: 1 unidade (Psíquicos).