A Dirección Xerencia do Complexo Hospitalario Xeral-Cíes de Vigo, en virtude das atribucións que lle foron delegadas conforme o establecido no artigo 7 da Orden da Consellería de Sanidade e Servicios Sociais do 21 de abril de 1998 (DOG nº 88, do 11 de maio) convoca o seguinte concurso:
Expediente 5/1999:
1. Obxecto: contratación do servicio de limpeza, desinsectación, desinfección e desratización do Hospital Psiquiátrico do Rebullón.
2. Orzamento: 16.800.000 ptas./anuais, e 1.400.000 ptas./mensuais, IVE incluído, 100.970,03 euros/anuais, e 8.414,16 euros/mensuais.
3. Prazo de execución: desde a súa formalización e ata o 31 de decembro de 1999, podendo prorrogarse expresamente dentro dos límites do artigo 199.1º da LCAP.
4. Admisión de variantes: admitiranse variantes ou alternativas que cumpran as condicións do PPT.
5. Garantía provisional: non se esixe.
6. Forma de adxudicación: concurso público, procedemento aberto e tramitación urxente.
7. Clasificación: grupo III, subgrupo 6, categoría A.
8. Criterios de adxudicación: ver cláusula 10 do PCAP.
9. Documentación: o prego de cláusulas administrativas particulares, e demais documentación complementaria, pódese solicitar na Sección de Contración Adtva. do Complexo Hospitalario Xeral-Cíes, rúa Pizarro, 22, 36204 Vigo, en días laborables desde as 9 ata as 14 horas. Teléfono: 986 81 60 28 e fax: 986 81 60 65.
10. Prazo de presentación de proposicións: as proposicións deberanse presentar en man, no rexistro xeral do Complexo Hospitalario Xeral-Cíes, antes das 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do RXCE.
11. Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal, económica e referencias técnicas, descritas no PCAP.
12. Apertura de proposicións: a apertura das proposicións admitidas será realizada pola mesa de contratación, reunida en acto público, na sala de xuntas do Hospital Xeral ás 8.30 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que coincida en sábado ou festivo, a apertura das proposicións terá lugar o día hábil seguinte.
13. Anuncios: o importe deste anuncio será por conta dos adxudicatarios dos contratos.
Vigo, 15 de febreiro de 1999.
José Manuel González Álvarez
Director xerente do Complexo Hospitalario
Xeral-Cíes de Vigo