Visto o expediente de revisión salarial para o ano 1999 do convenio colectivo para as industrias siderometalúrxicas da provincia da Coruña que tivo entrada nesta delegación provincial da Consellería de Xustiza, Interior e Relacións Laborais o día 25-1-1999,suscrito en represtancion da parte económica pola Asociación Provincial de Empresas Siderometalúrxicas, Asociación de Gas e Calefacción (Agasca), Asociación de Instalaciones Eléctricas (Asinec) e Asociación de Talleres de Reparación de Automóviles e, da parte social pola Unión Xeral de Traballadores e Comisións Obreiras o día 22-1-1999 de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido a Lei do Estatuto dos traballadores, Real decreto 1040/9181, de 22 de maio, sobre rexistro e depósito de convenios colectivos de traballo e Real decreto 2412/1982, de 24 de xullo, sobre traspaso de funcións e servicios da Administración do Estado á Comunidade

Autónoma de Galicia en materia de traballo, esta delegación provincial

ACORDA:

Primeiro.-Ordena-la súa inscrición no libro rexistro de convenios colectivos de traballo existente nesa delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 28 de xaneiro de 1999.

P.S. (Decreto 227/1998 do 10 de xullo)

María Silva Costoya

Secretaria provincial da Coruña

ACTA

Na Coruña, ás 17 horas do día 22 de xaneiro de 1999, no local da Confederación de Empresarios da Coruña, sito na rúa Rafael Alberti 8, reúnese a comisión negociadora de convenio colectivo provincial para as industrias siderometalúrxicas, na que interveñen, pola parte empresarial José Ardavín Álvarez por Sidero, Juan García Varela, por Talleres de Reparación de Vehículos, Manuel Pereiro Díaz por Agasca e Manuel Miñones Trillo por Asine. Pola parte social, Nicolás Pato Pérez por CC.OO. e Eusebio Oreona Martínez por UGT. Realiza as funcións de secretario Juan B. de la Salle Barreiro Pérez.

Iniciada a sesión e para dar cumprimento ós artigos 38 e 61 do vixente convenio colectivo, procédese á elaboración das novas táboas salariais para 1999.

En virtude da conformidade e aceptación de ámbalas partes adóptanse por unanimidade os seguintes acordos:

1. Manifesta-la súa plena conformidade co documento anexo que contén as táboas salariais para o ano 1999, que se aproban e que asinan tódolos comparecentes.

2. En virtude do recoñecemento da mutua capacidade e lexitimidade, ámbalas partes acordan remiti-lo actuado e as táboas salariais anexas á Delegación Provincial de Traballo da Coruña co fin de solicitar que se proceda á súa homologación.

E, cando son as dezoito horas da data anteriormente citada, se levanta esta acta da cal eu, como secretario, dou fe.

ANEXO I

Táboas salariais 1999.

ANEXO II

Táboas salariais 1999.

ANEXO III

Complemento persoal 1999

Importe anual por ano de servicio sen incluír P. extras.