Tendo entrada no concello con data do 30 de decembro de 1998 o avance do proxecto de ordenación do medio rural e execución de cartografía no Concello de Trasmiras, que redactou a empresa adxudicataria do traballo, Avogados Menor S.C. FEMA, Grupo de Xestión Técnico Urbanística (Ourense), e que se está levando a cabo en virtude da subvención concedida pola Consellería de Política Territorial, Obras Públicas e Vivenda.
De conformidade co establecido no artigo 41 da Lei 1/1997, do 24 de marzo, do solo de Galicia, ábrese un período de información pública, polo prazo dun mes, que comezará a contar a partir da inserción do presente edicto no Diario Oficial de Galicia, durante o cal as entidades e os particulares poderán suxeri-lo que consideren oportuno e presenta-las propostas e convenios urbanísticos que coiden procedentes.
Trasmiras, 21 de xaneiro de 1999.
Jaime Garrido Sotelo
Alcalde