O Consello da Xerencia de Urbanismo, en sesión do dezaoito de xuño de 1998, acordou aprobar inicialmente o proxecto de bases de actuación e estatutos para constitución e funcionamento da xunta de compensación da unidade de actuación 1 Tomada, presentado con data do 1 de xuño Ppdo. no Rexistro da Xerencia de Urbanismo por Juan Álvarez Rial e J. José Filgueira Alonso, en representación de propietarios da UA constituídos en comisión xestora, someténdoos a información pública polo prazo de vinte días mediante a inserción de anuncios no DOG e notificación persoal ós propietarios afectados.

O que se fai público para xeral coñecemento, segundo o establecido no artigo 133.4º da Lei 1/1997, do solo de Galicia, en relación co artigo 102 desta. O expediente atópase á disposición do público en xeral na oficina de información da Xerencia Municipal de Urbanismo (planta baixa da Casa do Concello).

Así mesmo, o presente anuncio servirá de notificación nos termos previstos na citada lei, así como no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, dos que se ignore o lugar de notificación ou, intentada, esta, non se puidese practicar.

Vigo, 12 de xaneiro de 1999.

Manuel Pérez Álvarez

Alcalde-presidente da Xerencia Municipal

de Urbanismo