O Pleno do Concello, en sesión celebrada o día 25 de xaneiro de 1999, acordou, ó abeiro do que dispón o artigo 34.1º da Lei 1/1997, do 24 de marzo, do solo de Galicia, a suspensión do outorgamento de licencias urbanísticas nos solos dos núcleos rurais de poboación e rústicos do concello da Gudiña, coas seguintes excepcións:
-En núcleos rurais preexistentes: permitirase o outorgamento de licencias para obras de construcción, adaptación e reforma de vivendas unifamiliares, así como daquelas que se caractericen pola súa especial vinculación coas actividades do sector primario de carácter agrícola, gandeiro e forestal.
-En solo rústico: permitirase o outorgamento de licencias para obras de construcción, adaptación e reforma daquelas destinadas a actividades agrícolas, forestais e gandeiras ou outras que garden relación coa natureza ou coa explotación de recursos naturais.
Contra este acordo poderán os interesados interpoñer recurso contencioso-administrativo, ante a Sala do Contecioso-Administrativo do Tribunal Superior de Xustiza de Galicia, no prazo de dous meses, contados desde o día en que teña lugar a publicación deste acordo.
Poderá interpoñerse calquera outro que se considere procedente.
A Gudiña, 26 de xaneiro de 1999.
Guillermo Lago Pérez
Alcalde