Neste Servicio de Interior da Consellería de Xustiza, Interior e Relacións Laborais de Pontevedra tramítase expediente sancionador GA-P-31/98,
seguido contra a empresa operadora Recreativos Rías Altas, S.A. e contra María Esther Costa Sangiao, titular do establecemento denominado Bar A Leira, sito en r/ Portela, nº 2 do concello de Cuntis.
En tal expediente o director xeral de Interior dictou resolución con data do 9 de decembro de 1998 pola que se acorda nomear, con efectos desde a devandita data, novo instructor do expediente a Juan Girón Astray, e secretaria deste a Clara Eugenia García Bermúdez, deixando sen efecto os anteriores nomeamentos.
O que se pon no seu coñecemento, coa indicación de que os nomeados poderán ser recusados de acordo cos artigos 28 e 29 da Lei 30/1992, de réxime xurídico das administracións públicas e do procedemento administrativo común.
Pontevedra, 26 de xaneiro de 1999.
Juan Girón Astray
Instructor