Os artigos 3 e 5 da Lei 5/1987, do 27 de maio (DOG nº 103, do 2 de xuño), do Consello Social

da Universidade e do Consello Universitario de Galicia, determinan, respectivamente, o número de membros que compoñen o Consello Social da Universidade e o número e forma de elección dos representantes da Xunta de Goberno da universidade.

A Universidade de Santiago de Compostela comunicou a esta consellería o cesamento como membros do Consello Social da Universidade de Santiago de Compostela de catro dos seus membros, e o nomeamento pola Xunta de Goberno de catro novos membros en substitución destes.

Así mesmo, recibíronse nesta consellería, en cumprimento do artigo 8, os documentos preceptivos de non ter incorrido en incompatibilidade.

Por todo iso, por proposta do conselleiro de Educación e Ordenación Universitaria, e por instancia da Universidade de Santiago de Compostela, en cumprimento do artigo 7 da Lei 5/1987, e en uso das atribucións conferidas pola Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro e logo de deliberación do Consello da Xunta de Galicia na súa reunión do día once de febreiro de mil novecentos noventa e nove,

DISPOÑO:

Artigo único.-Nomear como membros do Consello Social da Universidade de Santiago de Compostela a Óscar García Martín, Francisco Carracedo Doce, Luis Villares Naveira e José Vicente Paradelo Rodríguez en representación da Xunta de Goberno desta universidade.

Estas persoas substitúen respectivamente, e polo mesmo concepto, a José Sordo Rodríguez, Alberto Pérez Viso, María del Carmen Dopico Rodríguez e Antonio Monje Fernández, que cesan como membros do Consello Social da Universidade de Santiago de Compostela, agradecéndolle-los servicios prestados.

Disposición derradeira

Única.-O presente decreto entrará en vigor o día seguinte ó da súa publicación no Diario Oficial de Galicia.

Santiago de Compostela, once de febreiro de mil novecentos noventa e nove.

Manuel Fraga Iribarne

Presidente

Celso Currás Fernández

Conselleiro de Educación e Ordenación

Universitaria