O pasado 9 de febreiro de 1999 publicouse no DOG a Resolución do 1 de febreiro de 1999, do director xeral do IGE, pola que se anunciaba a convocatoria dun concurso público aberto, con tramitación urxente, para a contratación dunha consultoría e asistencia para a realización dos traballos de campo e gravación da enquisa sobre condicións de vida das familias.

Ata o día de hoxe non se ten constancia da presentación de licitadores en relación ó dito concurso. Tendo en conta a redacción dada ó artigo 25.1º da Lei 13/1995, do 18 de maio, de contratos das administracións públicas, polo artigo 77 da Lei 66/1997,

do 30 de decembro, de medidas fiscais, administrativas e de orde social,

RESOLVO:

1. Déixase sen efecto o requisito referido ó concurso de que se trata establecido na base 7.a) da Resolución do 1 de febreiro de 1999, de xeito que non se esixe clasificación para concorrer á licitación.

2. Amplíase o prazo de presentación de ofertas correspondente ó concurso de que se trata, que rematará ós 13 días contados a partir do seguinte ó da publicación desta resolución no DOG.

Santiago de Compostela, 19 de febreiro de 1999.

José Antonio Campo Andión

Director do Instituto Galego de Estatística