O Consello da Xerencia Municipal de Urbanismo, en sesión celebrada o día 18 de decembro de 1998, acordou aprobar inicialmente o proxecto de estatutos e bases de actuación para a constitución e funcionamento da xunta de compensación do plan parcial Cambeses, presentada por Emilia Cameselle Martínez e outros, como comisión xestora do único polígono do plan parcial, someténdoo a información pública polo prazo de vinte días mediante inserción de anuncios no DOG, segundo establece o artigo 102.4º da Lei 1/1997, do 24 de marzo, do solo de Galicia.

O que se fai público para xeral coñecemento segundo o establecido no artigo 133.4º da Lei 1/1997, do 24 de marzo, do solo de Galicia, en relación co artigo 102 da mesma lei. O expediente atópase á disposición do público en xeral na oficina de información urbanística da Xerencia Municipal de Urbanismo (planta baixa da Casa do Concello).

Así mesmo, o presente anuncio servirá de notificación nos termos previstos na citada lei, así como no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, dos que se ignore o lugar de notificación ou, intentada esta, non se puidese practicar.

Vigo, 7 de xaneiro de 1999.

Manuel Pérez Álvarez

Alcalde-presidente da Xerencia Municipal

de Urbanismo