O Consello da Xerencia Municipal de Urbanismo, en sesión celebrada o día 18 de decembro acordou aprobar inicialmente o proxecto de urbanización da vía Avda. de Madrid, 197 presentado pola sociedade Troncalva S.L., redactado polo enxeñeiro de camiños, canles e portos Alberto Moreno García e visado polo colexio oficial con datas do 30 de xuño e do 27 de novembro de 1998.
Procédese ó trámite de información pública do expediente durante o período mínimo dun mes, mediante inserción de anuncios no DOG e nun dos xornais dos de maior circulación da provincia, así como notificación individual ós propietarios afectados, segundo o establecido no artigo 42 da Lei do solo de Galicia, significando que o prazo de exposición ó público se entenderá aberto desde a primeira publicación ata o remate do mes contado desde o último anuncio. A documentación atópase na oficina de Información da Xerencia Municipal de Urbanismo ó dispor do público, planta baixa da Casa do Concello.
O presente anuncio servirá de notificación nos termos do artigo 59 de Lei de réxime xurídico das
administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 4 de xaneiro de 1999.
Manuel Pérez Álvarez
Alcalde-presidente da Xerencia Municipal
de Urbanismo