Advertidos erros na dita convocatoria publicada no Diario Oficial de Galicia do 4 de febreiro de 1999 (nº 23) e visto o artigo 105.2º da Lei de réxime xurídico das administracións públicas e do procedemento administrativo común, cómpre face-las correccións que figuran a continuación:

Na páxina 1.278, no punto 1.1. no apartado do primeiro exercicio, onde di: «... con 3 respostas alternativas, das que só unha será a correcta», debe dicir: «... con 3 respostas alternativas, das que só unha será a correcta, correspondente á parte específica do programa.

No anexo II (páxina 1.279, columna dereita), despois de onde di: «Programa», debe dicir: «I fase: coñecementos específicos», e antes do anexo III (páxina 1.280, columna dereita) e como parte integrante do anexo II debe dicir:

«II fase: coñecementos non específicos.

1. Dereitos fundamentais e liberdades do título primeiro da Constitución española.

2. III Convenio colectivo do persoal laboral das universidades públicas de Galicia.

3. Universidade de Santiago de Compostela (USC). Estatutos.

4. USC. Clases e réxime xurídico do persoal de administración e servicios.

5. Centros e servicios da USC. Denominación».