O Consello da Xerencia Municipal de Urbanismo, en sesión celebrada o día 15 de xaneiro, acordou aprobar inicialmente o proxecto de reparcelación das parcelas 4 e 5 incluídas no estudio de detalle da unidade de execución praza de San Lourenzo, presentado por Promociones Agoeira, S.L., redactado polo arquitecto José Herrero García, visado polo COAG o 22 de xullo de 1998 e o anexo á memoria con data do 23 de decembro de 1998.
Procédese ó trámite de información pública do expediente durante o período mínimo de vinte días, con citación pesoal dos interesados e a través da correspondente publicación no DOG, segundo o establecido no artigo 102.4º da Lei 1/1997, do 24 de marzo, do solo de Galicia, significando que o prazo de exposición ó público se entenderá aberto desde a primeira publicación ata o remate dos vinte días contados desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.
Vigo, 20 de xaneiro de 1999.
Manuel Pérez Álvarez
Alcalde-presidente da Xerencia Municipal
de Urbanismo