DOG 31 do 16/02/1999 - CÉDULA do 14 de xaneiro de 1999, da Delegación Provincial de Pontevedra, de notificación do acordo tomado pola Delegación Provincial desta consellería en Pontevedra, polo que se ordena a incoación do expediente sancionador 68.8/97, por presunta infracción da lexislación de costas, se nomean instructor e secretario deste, e se adoptan medidas provisionais; e do prego de cargos formulado polo instructor.

VI. ANUNCIOS

DA ADMINISTRACIÓN AUTONÓMICA

CONSELLERÍA DE MEDIO AMBIENTE

CÉDULA do 14 de xaneiro de 1999, da Delegación Provincial de Pontevedra, de notificación do acordo tomado pola Delegación Provincial desta consellería en Pontevedra, polo que se ordena a incoación do expediente sancionador 68.8/97, por presunta infracción da lexislación de costas, se nomean instructor e secretario deste, e se adoptan medidas provisionais; e do prego de cargos formulado polo instructor.

De conformidade co artigo 59.4º da Lei 30/1992, do 26 de novembro, de réxime xurídico das admi

nistracións públicas e do procedemento administrativo común, notifícaselle á persoa que se relaciona no anexo I, o acordo da delegación desta consellería en Pontevedra, polo que se ordena a incoación do expediente sancionador polos feitos sinalados, presumiblemente constitutivos dunha infracción da Lei 22/1988, de costas (no sucesivo LC), e do seu regulamento (en diante RC); nomeándose instructor a Alfonso Fernández Fernández e secretario a Alfonso Santiago Domínguez, ámbolos dous funcionarios do Servicio Provincial de Costas desta delegación provincial, e adóptanse as medidas provisionais especificadas.

Os nomeamentos do instructor e secretario poderán ser impugnados polas causas establecidas nos artigos 28 e 29 da Lei 30/1992.

En virtude do anterior acordo, o instructor do expediente formulou prego de cargos, do que se relacionan no anexo II, os preceptos infrinxidos, sancionadores e a posible contía da sanción polos feitos imputados, dispoñendo o expedientado dun prazo de dez (10) días, contados a partir da publicación deste anuncio no Diario Oficial de Galicia, para formular alegacións e propoñer, se é o caso, a práctica daquelas probas que considere pertinentes para a determinación dos feitos, tal como dispón o artigo 194.8º do Regulamento xeral para o desenvolvemento e execución da Lei de costas, aprobado polo Real decreto 1471/1989, e modificado polos reais decretos 1112/1992 e 1771/1994 (en diante RC).

De acordo co establecido no artigo 13.2º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, de non presentar alegacións dentro do prazo sinalado, o acordo de incoación, en relación co prego de cargos formulado polo instructor, considerarase proposta de resolución.

Pontevedra, 14 de xaneiro de 1999.

José Luís Díez Yáñez

Delegado provincial de Pontevedra

ANEXO I

Expediente número: 68.8/97.

Denunciado/a: Olga Rodríguez Cabaleiro.

Condición: promotora.

Último enderezo coñecido: Avda. Balaídos nº 15-7ºD, 36201-Vigo.

Data do acordo: 18-11-1998.

Feitos: construcción dunha vivenda unifamiliar.

Lugar: Tallo.

Concello: Oia.

Circunstancias modificativas: se o presunto infractor corrixe no prazo de quince (15) días a situación creada polos feitos que son obxecto deste expediente, poderá reducirse ata a metade a contía da multa que puidese impoñerse, segundo os artigos 97.3º da LC e 187.1º do RC.

ANEXO II

Preceptos infrinxidos: artigos 25.1º a), 25.2º e 26.1º da LC e artigos 45.1º a), 46.1º e 48.1º do RC.

Preceptos sancionadores: artigo 90 c) da LC e artigo 174 c) do RC.

Cualificación e contía da posible sanción: artigos 91.2º e) e 97.1º da LC e artigos 175.2º e) e 183 b) en relación co artigo 184 do RC, podendo recaer unha multa do 25% do valor das obras executadas.