Nos boletíns oficiais da provincia da Coruña, números 297 e 1 de datas 29 de decembro de 1998 e 2 de xaneiro de 1999, respectivamente, publícanse integramente as bases para a provisión en propiedade, das prazas que se relacionan de seguido, vacantes no cadro de persoal de funcionarios do Concello de Coristanco.
Persoal funcionario.
-Grupo 2º, artigo 25 da Lei 30/1984: C.
-Clasificación: escala de Administración xeral. Subescala administrativa.
-Denominación: administrativo de Administración xeral.
-Número de vacantes: unha.
-Sistema de selección: concurso-oposición libre.
-Grupo 2º, artigo 25 da Lei 30/1984: D.
-Clasificación: escala de Administración xeral. Subescala auxiliar.
-Denominación: auxiliar administrativo de Administración xeral.
-Número de vacantes: unha.
-Sistema de selección: concurso-oposición libre.
O prazo de presentación de instancias, rematará unha vez transcorridos vinte días naturais contados a partir do seguinte ó da publicación deste anuncio no BOE.
Os seguintes anuncios relacionados coas convocatorias faranse públicos no BOP da Coruña e no taboleiro de anuncios do concello.
Coristanco, 28 de xaneiro de 1999.
Antonio Pensado Plágaro
Alcalde