Obxecto: fomento da actividade artística profesional no eido da danza nas compañías cunha traxectoria artística relevante na posta en escena pública de espectáculos de danza, mediante a celebración de convenios de distribución de espectáculos de danza dentro da Rede Galega de Teatros e Auditorios.

Orzamento: doce millóns de pesetas (12.000.000 de ptas.) con cargo á aplicación orzamentaria 10.50.354A.640.1 do vixente orzamento de gastos do IGAEM.

Prazo de execución: ata o 30 de abril do 2000.

As bases da convocatoria, así como o modelo de proposición, poderán ser retirados ou solicitado o seu envío por correo, na sede administrativa do IGAEM (Pavillón de Galicia, San Lázaro, s/n, Santiago de Compostela) no departamento de actividades externas.

A presentación dos proxectos efectuarase no rexistro xeral do IGAEM xunto coa documentación indicada nas bases da presente convocatoria, nun prazo de 15 días naturais a partir do día seguinte ó da publicación deste anuncio no DOG, ou por calquera dos medios previstos no artigo 38.4º da Lei de réxime xurídico das administracións públicas e do procedemento administrativo común.

Dentro dos dez días seguintes ó remate do prazo, a comisión de valoración designada para o efecto examinará as propostas e valorará tanto os requisitos de profesionalidade como a traxectoria artística e o proxecto presentado, remitindo informe da súa proposta á Xerencia do IGAEM, quen formulará a correspondente proposta de convenios.

Santiago de Compostela, 28 de xaneiro de 1999.

Aníbal Otero Fernández

Xerente do Instituto Galego das Artes Escénicas

e Musicais