De conformidade co establecido na Orde do 21 de abril de 1998, sobre delegación de atribucións nos órganos centrais e periféricos da Consellería de Sanidade e Servicios Sociais.
Esta delegación provincial, unha vez cumpridos os trámites administrativos correspondentes, resolveu anunciar concurso, por procedemento aberto e trámite de urxencia para a contratación dos servicios de limpeza que se indican:
* Área de servicios sociais de Vigo:
-Orzamento do contrato: 4.900.800 ptas. (catro millóns novecentas mil oitocentas pesetas).
-Garantía provisional: 98.016 ptas. (noventa e oito mil dezaseis pesetas).
-Clasificación: non se esixe.
* Centro base de Vigo:
-Orzamento do contrato: 3.015.000 ptas. (tres millóns quince mil pesetas).
-Garantía provisional: 60.300 ptas. (sesenta mil trescentas pesetas).
-Clasificación: non se esixe.
* Centro base de Pontevedra:
-Orzamento do contrato: 4.047.000 ptas. (catro millóns corenta e sete mil pesetas).
-Garantía provisional: 80.940 ptas. (oitenta mil novecentas corenta pesetas).
-Clasificación: non se esixe.
* Residencia da 3ª idade de Campolongo:
-Orzamento do contrato: 9.650.100 ptas. (nove millóns seiscentas cincuenta mil cen pesetas).
-Garantía provisional: 193.002 ptas. (cento noventa e tres mil dúas pesetas).
-Clasificación: non se esixe.
* Centro de atención a minusválidos psíquicos de Redondela:
-Orzamento do contrato: 8.641.200 ptas. (oito millóns seiscentas corenta e unha mil dúascentas pesetas).
-Garantía provisional: 172.824 ptas. (cento setenta e dúas mil oitocentas vintecatro pesetas).
-Clasificación: non se esixe.
Condicións de licitación:
1. Prazo de execución: desde a data de adxudicación ata o 31 de decembro de 1999.
2. Admisión de variantes: non se admitirán variantes ou alternativas no servicio.
3. Forma de adxudicación: concurso, procedemento aberto e trámite de urxencia.
4. Solvencia económica e financeira: acreditarase por calquera dos medios previstos no artigo 16 da Lei de contratos das administracións públicas (Lei 13/95 do 18 de maio, BOE nº 119 do 19 de maio).
5. Solvencia técnica: acreditarase por calquera dos medios previstos no artigo 19 da Lei 13/1995.
6. Criterios de adxudicación: os expostos na cláusula 10 das follas de especificacións incluídas no prego de cláusulas administrativas particulares.
7. Documentación que presentarán os licitadores: a esixida na cláusula 8 do prego de cláusulas administrativas particulares.
8. Exposición de documentación: os pregos de cláusulas administrativas particulares e de prescricións técnicas poderán examinarse na Delegación Provincial da Consellería de Sanidade e Servicios Sociais de Pontevedra ou nas súas dependencias en Vigo (rúa Cánovas del Castillo, s/n), durante o prazo de presentación de proposicións, desde as 9 ás 14 horas, en días hábiles agás sábados. Así mesmo, poderán examinarse no servicio de Administración e Xestión Económica da Dirección Xeral de Servicios
Sociais e nos servicios de Xestión Económica das restantes delegacións provinciais da Consellería de Sanidade e Servicios Sociais.
9. Presentación de proposicións: efectuarase no rexistro xeral da Delegación Provincial da Consellería de Sanidade e Servicios Sociais de Pontevedra ou nas súas dependencias en Vigo, en sobres pechados en horario de 9 a 14 horas, ou ben por correo con xustificación da data de imposición e a comunicación o mesmo día ó órgano de contratación mediante telegrama ou telefax.
10. Prazo de presentación de proposicións: será de 13 días naturais contados desde o seguinte ó da publicación desta resolución no Diario Oficial de Galicia.
11. Apertura de proposicións: será realizada pola mesa de contratación a partir das 10 horas do décimo primeiro día natural seguinte ó do remate do prazo de presentación de proposicións, na sala de xuntas da Delegación Provincial da Consellería de Sanidade e Servicios Sociais de Pontevedra en Vigo. Se coincidise en sábado ou festivo terá lugar o día hábil seguinte á mesma hora.
12. Os gastos derivados deste anuncio serán por conta das empresas adxudicatarias.
Vigo, 25 de xaneiro de 1999.
P.D. (Orde 21-4-1999)
Mª Dolores Pan Vázquez
Delegada provincial de Pontevedra