Na sesión celebrada o día 2 de febreiro, polo tribunal desigando para xulga-las probas selectivas para o ingreso no corpo superior da Administración
da Xunta de Galicia, escala superior de estatísticos, grupo A, convocada por Orde do 4 de xuño de 1998 (DOG do 25 de xuño) e de conformidade co disposto na base II.1.4 da convocatoria, acórdase:
Primeiro.-Publica-las puntuacións obtidas na fase de concurso que se atopan expostas nos taboleiros de anuncios da Escola Galega da Administración Pública e do Instituo Galego de Estatística.
Segundo.-Outorgar un prazo de dez días, contados a partir do seguinte ó da publicación da presente resolución no Diario Oficial de Galicia, para que os interesados poidan formular, perante o tribunal, con sede na Dirección Xeral de Función Pública
da Consellería da Presidencia e Administración Pública, edificio administrativo de San Caetano s/n, Santiago de Compostela, as reclamacións que xulguen oportunas.
Para efectos de información o teléfono de contacto é 902 12 00 12 e 981 54 20 09, en horario de 9 a 19 horas de luns a venres e de 9 a 14 horas os sábados.
Santiago de Compostela, 2 de febreiro de 1999.
José A. Campo Andión
Presidente do tribunal