Formulados os avances dos plans especiais (PERIS) do contorno do Mosteiro de San Salvador de Celanova e do Burgo Medieval de Vilanova dos Infantes e sometidos a coñecemento do Pleno do Concello na sesión do 21 de xaneiro de 1999, quedan expostos ó público polo prazo de dous meses, contados a partir da publicación deste anuncio no Diario Oficial de Galicia, para efectos de suxestións, propostas e posibles convenios urbanísticos.
Ó mesmo tempo, faise saber que o pleno da corporación na sesión arriba citada, acordou o seguinte:
Suspende-lo outorgamento de licencias de parcelación, edificación e demolición para todo o ámbito de actuación dos PERIS do contorno do mosteiro de San Salvador e do Burgo Medieval de Vilanova dos Infantes, durante o prazo e cos efectos previstos no artigo 34.3º da Lei do solo de Galicia, contado
a partir da última publicación deste anuncio no Diario Oficial de Galicia ou no BOP de Ourense.
As licencias solicitadas e debidamente rexistradas con anterioridade á adopción do presente acordo e que afecten as áreas de actuación obxecto de suspensión, continuarán a súa tramitación, someténdose, previamente á súa resolución, ós informes preceptivos, tanto da Consellería de Cultura como dos técnicos municipais.
Celanova, 25 de xaneiro de 1999.
O alcalde
Rubricado