De conformidade co previsto na Lei 11/1997, do 22 de agosto, xeral do deporte de Galicia (DOG do 4-9-1997) e a Orde do 28 de xullo de 1995, de federacións deportivas galegas (DOG do 8-8-1995), a Secretaría Xeral para o Deporte da Xunta de Galicia aprobou mediante Resolución do 10 de novembro de 1998 a modificación dos Arts. 18, 19 e 60 dos estatutos da Federación Galega de Xadrez acordada pola asemblea xeral o día 25 de outubro de 1998.

E segundo o previsto no Art. 8 da orde de federacións deportivas galegas antes mentada publícase o texto dos artigos reformados para o seu coñecemento público polos interesados.

Vigo, 16 de novembro de 1998.

Rafael del Río Álvarez

Presidente da Comisión Xestora da Federación

Galega de Xadrez

Artigo 18º.-A asemblea xeral estará constituída polo presidente da federación e polos representantes dos clubs deportivos, dos deportistas, dos técnicos-adestradores, dos xuíces-árbitros e da xunta directiva.

Artigo 19º.-A asemblea xeral está composta por 40 membros e a representación dos estamentos sina

lados anteriormente responderá ás seguintes proporcións:

-Clubs deportivos, 65%, correspondendo 26 membros.

-Deportivas, 20%, correspondendo 8 membros.

-Técnicos-adestradores, 5%, correspondendo 2 membros.

-Xuíces-árbitros, 5%, correspondendo 2 membros.

-Xunta directiva, 5%, correspondendo 2 membros.

Artigo 60º.-Os representantes dos técnicos-adestradores e dos xuíces-árbitros na Asemblea Xeral serán elixidos por e entre os pertencentes a cada estamento calquera que sexa a súa categoría, dos que teñan licencia en vigor no momento da convocatoria de eleccións e tamén a tivesen, como mínimo, na tempada deportiva inmediatamente anterior, sempre que participasen en competicións ou actividades de carácter oficial organizadas pola FEGA ou pola Federación Española de Xadrez, coa aprobación ou intervención daquela.

Os representantes da xunta directiva na asemblea xeral serán elixidos por e entre os pertencentes a este estamento e deberán ser membros da xunta directiva da FEGA nos dous últimos anos como mínimo e ter cumprida a maioría de idade civil o día da convocatoria das eleccións.