Aprobado polo Pleno deste concello, na súa sesión ordinaria do día 25 de xuño de 1998, o escudo heráldico municipal, de acordo coa proposta realizada pola Comisión de Heráldica da Consellería de Xustiza, Interior e Relacións Laborais.

Escudo municipal: as armas que se achegan ó escudo brasónanse do seguinte xeito: de sinople (verde), unha torre de ouro (amarelo), acompañada en xefe dunha cruceta tamén en ouro flanqueada de dúas vieiras de prata (branco); bordura de sable (sable) cunha cadea de ouro. Ó timbre, coroa real cerrada.

Sométese o expediente á información pública polo prazo dun mes, para efectos de exame e reclamacións, segundo o disposto no artigo 3 do Decreto 258/1992, do 10 de setembro, da Consellería da Presidencia e Administración Pública.

Castrelo do Val, 2 de decembro de 1998.

O alcalde

Rubricado