O Servicio Galego de Saúde, por proposta da División de Recursos Económicos, e unha vez cumpridos os trámites administrativos correspondentes, resolve anuncia-la subministración que a seguir se cita:
Subministración: de mesas cirúrxicas e equipamentos neonatolóxico para o Hospital Comarcal do Salnés-Vilagarcía de Arousa (Pontevedra). (SCS.-02/1999). (3 lotes).
Orzamento: 14.140.000 ptas. IVE incluído.
Exercicio posterior, quedando sometida a adxudicación do contrato á condición suspensiva de existencia de crédito axeitado e suficiente nos orzamentos xerais da Comuniade Autonóma de Galicia para o ano 1999.
Lote nº 1: mesas cirúrxicas. 8.360.000 ptas. IVE incluído.
Lote nº 2: mesa xinecolóxica. 1.900.000 ptas. IVE incluído.
Lote nº 3: equipamento neonatolóxico. 3.880.000 ptas. IVE incluído.
Fianza provisional: 282.800 ptas. IVE incluído.
Forma de adxudicación: concurso público, procedemento aberto polo trámite de urxencia.
Prazo de execución: desde a sinatura do contrato ata o 31 de decembro de 1999.
Adminisión de variantes: non se admite a presentación de variantes.
Licitarase a lote completo, indicando os prezos unitarios para cada un dos artigos que integran cada lote; non se admiten ofertas que non conteñan a totalidade dos artigos que completan o lote.
Solvencia económica e financeira: acreditarase por algún de entre os documentos sinalados no anexo I do prego de cláusulas administrativas particulares para a dita contratación.
Solvencia técnica: acreditarase por algún de entre os documentos sinalados no anexo I do prego de cláusulas administrativas particulares para a dita contratación.
Criterios de adxudicación:
1. Composición e características técnicas dos equipos ofertados: ata 35 puntos.
2. Características do servicio técnico e mantemento dos equipos ofertados: ata 25 puntos.
3. Grado de cumprimento da normativa vixente: ata 15 puntos.
4. Prezo dos equipos ofertados: ata 15 puntos.
5. Outros valores engadidos (cumprimento ISO 9000, inclusión de características non esixidas nos pregos de prescricións técnicas, etc.): ata 10 puntos.
Documentos de interese para os licitadores: o prego de cláusulas administrativas particulares, e demais documentación complementaria estarán de manifesto e á disposición dos concursantes para o seu exame nos servicios centrais da División Xeral de Recursos Económicos, edificio administrativo de San Caetano, bloque 2-2º en Santiago de Compostela, tódolos días laborables, agás sábados, das 9 ás 14 horas.
Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do Servicio Galego de Saúde, antes das 14 horas do décimo terceiro día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981 54 27 62) ou telegrama no mesmo día de conformidade co artigo 100 do Regulamento xeral de contratación do Estado.
Apertura de proposicións: terá lugar na Consellería de Sanidade e Servicios Sociais, edificio administrativo San Caetano, bloque nº 2, 2ª planta, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que achegarán os licitadores: os documentos que figuran no prego de cláusulas administrativas particulares.
Anuncios: o pagamento do anuncio do presente concurso público será por conta do adxudicatario ou dos adxudicatarios do contrato.
Santiago de Compostela, 30 de decembro de 1998.
Antonio Fernández-Campa García-Bernardo
Director xeral da División de Recursos
Económicos