Unha vez rematado o prazo de presentación de solicitudes establecido na base cuarta da orde do 23 de novembro de 1998 (Diario Oficial de Galicia nº 237, do 9 de decembro), pola que se convocan probas selectivas para cubrir mediante o nomeamento de persoal interino, un posto de traballo de programador (Grupo C), vacante nos servicios, dependentes da Consellería da Presidencia e Administración Pública, de conformidade coa base quinta da citada orde, esta dirección xeral

RESOLVE:

Primeiro.-Publica-la relación provisional de aspirantes admitidos ás probas selectivas para cubrir mediante o nomeamento de persoal interino, un posto de traballo de programador (grupo C), vacante nos servicios dependentes da Consellería da Presidencia e Administración Pública, que figuran como anexo á presente resolución, atopándose tamén expostas nos taboleiros de anuncios da Consellería da Presidencia e Administración Pública, nos das súas delegacións provinciais, nas oficinas comarcais da Xunta de Galicia e na delegación territorial da Consellería de Pesca, Marisqueo e Acuicultura en Vigo.

Segundo.-De conformidade co disposto na base cuarta da Orde do 23 de novembro de 1998 (Diario Oficial de Galicia nº 237, do 9 de decembro), disporase dun prazo de cinco días, contados a partir do día seguinte ó da publicación desta resolución no Diario Oficial de Galicia para formular reclamación.

Para efectos de información o teléfono de contacto é o 902 12 00 12 en horarios de 9 a 19 horas de luns a venres e de 9 a 14 horas os sábados.

Santiago de Compostela, 15 de xaneiro de 1999.

Joaquín López-Rúa Soler

Director xeral da Función Pública

ANEXO

Relación provisional de aspirantes admitidos ás probas selectivas para cubrir, mediante o nomeamento de persoal interino, un posto de traballo de programador (grupo C).