De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle ó denunciado cos datos persoais e último enderezo coñecido que se sinalan a continuación, a iniciación do correspondente expediente sancionador por infracción á Lei 4/1997, de caza en Galicia, do 25 de xuño (DOG do 11 de xullo).

Noméase instructora do procedemento a Paloma Quiroga López e secretaria a Mª Concepción Ameijide Rodríguez-Moldes, funcionarias da Xunta de Galicia. A resolución será acordada polo delegado provincial da Consellería de Medio Ambiente (Decreto 482/1997, do 30 de decembro, DOG do 8-1-1998, polo que se establece a estructura orgánica da Consellería de Medio Ambiente).

O denunciado disporá dun prazo de quince (15) días hábiles, contados a partir do seguinte ó da publicación desta resolución, para que poida examina-lo expediente nesta delegación provincial, sita na Ronda da Muralla, 70, e presenta-las alegacións e documentos que considere convenientes na súa defensa. Así como para a recusación das persoas designadas como instructora e secretaria en calquera momento da tramitación do procedemento.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial.

Lugo, 2 de decembro de 1998.

Luis González Vázquez

Delegado provincial de Lugo

ANEXO

Expediente: C-53/98.

Denunciado: Camilo Díaz Pérez.

DNI: 34.253.918.

Enderezo: Feás, 3, Castro de Rei-Paradela (Lugo).

Feitos imputados: incumpri-las normas que regulan o adestramento de cans nas zonas que se establecen para o efecto, ó atoparse adestrando dous cans de

raza Grifón un día inhábil. Feitos constatados o día 17-10-1998 no couto LU-10.141.

Preceptos infrinxidos: 57.13º da Lei 4/1997.

Cualificación infracción: leve.

Sanción: 10.000 ptas.