Cumprindo o establecido no artigo 326 da Lei 5/1997, da Administración local en Galicia, publícase a venda en pública poxa das parcelas de titularidade deste concello que a seguir se indican, acordadas polo Pleno do pasado 7 de novembro de 1998, na que consta o informe da Xunta de Galicia, de conformidade co diposto no artigo 109 do R.D. 1372/1986, do 13 de xuño e, 276 da Lei 5/1997 citada:
Primeira. Parcela denominada Cofáns, Chufáns ou Alto da Pita, ó prezo de 850 ptas/m, cunha superficie total de 10.700 m, unha vez descontados os camiños públicos existentes. Prezo tipo de licitación mellorable á alza: 9.095.000 ptas.
Segunda. Parcela de 136 m sita na rúa República Arxentina, ó prezo de 15.000 ptas/m. Prezo tipo de licitación mellorable á alza. 2.040.000 ptas.
Terceira. Parcela de 84 m sita na rúa República Arxentina, ó prezo de 15.000 ptas/m. Prezo tipo de licitación mellorable á alza: 1.260.000 ptas.
Cuarta. Parcela denominada Bartolo, no barrio de San Bieito da parroquia de Tomiño, ó prezo de 2.500 ptas/m, cunha superficie total de 656 m. Prezo tipo de licitación mellorable á alza: 1.640.000 ptas.
Cada parcela ten o seu propio expediente de licitación polo que, de pretender presentarse á licitación de dous ou máis delas, as ofertas en cada caso terán que presentarse con carácter individualizado achegándose para cada unha delas, a documentación completa requirida nos correspondentes pregos.
Todos e cada un dos expedientes co seu correspondente prego de bases estarán á dispocición dos interesados na Secretaría deste concello e poderanse presentar alegacións e reclamacións respecto deles no prazo de 8 días hábiles desde a publicación do edicto de licitación no BOP de Pontevedra.
O prazo de presentación das ofertas para cada licitación será o de 26 días naturais desde a publicación do correspondente edicto de licitación no BOP de Pontevedra.
O custo deste anuncio repartirase entre os que resulten adxudicatarios e de forma proporcional, segundo o prezo que resulte na adxudicación das parcelas.
Tomiño, 14 de decembro de 1998.
José Luis Fernández Lorenzo
Alcalde