Jesús Bendaña Suárez, delegado provincial da Consellería de Industria e Comercio en Lugo, fai saber que a sociedade Fontnatura, S.L., con enderezo na rúa San Roque, 4-3º B, de Lugo, solicita a autorización de aproveitamento do manancial Agro Longo, sito na parroquia de Serén, concello de Friol, da provincia de Lugo, tras obte-la oportuna declaración da condición de mineral das súas augas.
O perímetro de protección proposto vén definido polas tres zonas de restriccións previstas na Lei 5/1995, do 7 de xuño. Delas a de restriccións mínimas vén definida polas seguintes coordenadas xeográficas con meridiano orixe Greenwinch (datum europeo):
VérticeLonxitudeLatitude
1-7º 44' 40''43º 01' 20''
2-7º 43' 20''43º 01' 20''
3-7º 43' 20''43º 00' 00''
4-7º 44' 40''43º 00' 00''
O que se fai público co fin de que tódolos que teñan a condición de interesados, no prazo de quince días hábiles contados desde o seguinte ó da publicación do presente anuncio, poidan face-las alegacións que coiden oportunas.
Lugo, 11 de novembro de 1998.
Jesús Bendaña Suárez
Delegado provincial de Lugo