O Decreto 294/1992, do 10 de setembro, modificado polo Decreto 1/1995, do 12 de xaneiro (DOG nº 9, do 13 de xaneiro) e 319/1996, do 26 de xullo (DOG nº 153, do 6 de outubro), regula o diploma de directivo, establecendo que, para ocupa-los postos de traballo de libre designación que así se determinen nas relacións de postos de traballo, será requisito necesario estar en posesión do diploma de directivo ou doutros diplomas que habiliten para o posto de que se trate.

Segundo dispón o artigo 7 do citado decreto, a Escola Galega de Administración Pública designará un profesor-director dos cursos.

Convocados, por Resolución do 30 de novembro de 1998, cinco cursos para a obtención do diploma de directivo,

RESOLVO:

Nomear profesor-director dos cinco cursos para a obtención do diploma de directivo, convocados mediante resolución do director da Escola Galega de Administración Pública, do 30 de novembro de 1998, a Koldo Echebarría Ariznabarreta, profesor de xestión pública e director de anteriores cursos para a obtención do diploma de directivo da Xunta de Galicia.

Santiago de Compostela, 8 de xaneiro de 1998.

Domingo Bello Janeiro

Director da Escola Galega de Administración

Pública