Visto o expediente iniciado por instancia de Aurora Pérez Barreiro que solicita permiso de actividade para un centro regulador de crustáceos nas instalacións do bar A Taberna de Carril, que posúe na localidade do Carril, Vilagarcía de Arousa.
Tendo en conta que o expediente se tramitou conforme a dereito.
Tendo en conta os informes que figuran no expediente, así como a proposta da Delegación Territorial de Vigo do 17-12-1997, logo do informe do Servicio Técnico-Xurídico, esta consellería resolve:
Outorgar a Aurora Pérez Barreiro (DNI 35.419.306), permiso de actividade para a posta en funcionamento e explotación do seguinte establecemento:
-Establecemento auxiliar de acuicultura: centro regulador de crustáceos.
-Situación: Bar A Taberna de Carril, rúa Xalda nº 3, baixo, O Carril, Vilagarcía de Arousa (Pontevedra).
-Especies: boi (Cancer pagurus), cangrexo (Carcinus maenas), centola (Maja squinado), lagosta (Pa
linurus elephas), lumbrigante (Homarus gammarus), nécora (Macropipus puber).
-Superficies:
Dominio público: non ocupa.
Dominio privado: 13 m.
Superficie estabulación: 3 piscinas que fan un total de 13 m.
O permiso de actividade outórgase baixo as seguintes condicións:
Primeira.-Terá unha vixencia de dez anos que se contarán a partir da publicación da presente orde no Diario Oficial de Galicia; poderá ser prorrogado discrecionalmente por petición do interesado, presentada nos sesenta (60) días anteriores ó remate da vixencia, por prazos iguais doutros dez anos.
Segunda.-A localización e as obras da instalación do establecemento axustaranse ós planos e proxecto presentados. O titular do permiso de actividade deberá dar comezo ás obras nun prazo de seis (6) meses, que se contarán desde a publicación no DOG da presente orde e quedarán rematadas no prazo dun (1) ano.
Rematadas as obras, o titular comunicará tal feito á Delegación Territorial da Consellería de Pesca, Marisqueo e Acuicultura en Vigo para os efectos de practica-la inspección destas, das que se emitirá o correspondente informe.
Terceira.-O establecemento cumprirá o disposto na Lei 6/1993, do 11 de maio, de pesca de Galicia, no Decreto 286/1996, do 4 de xullo, polo que se crea a figura do centro regulador de crustáceos como novo tipo de establecemento auxiliar de acuicultura, na Orde do 16 de outubro de 1996 sobre centros reguladores de crustáceos, así como a demais normativa vixente aplicable a este tipo de establecementos.
Cuarta.-O titular contrae a obriga de manter en bo estado as instalacións. Estas non poderán alugarse nin ser destinadas a usos distintos dos propios deste tipo de establecementos. Baixo ningún concepto se poderán modifica-las instalacións sen permiso expreso desta consellería.
Quinta.-O permiso de actividade ó que se refire esta orde extinguirase nos casos previstos no artigo 72 da Lei 6/1993 e no artigo 6 do Decreto 193/1997 sinalados.
Sexta.-O outorgamento do permiso de actividade non exime ó seu titular da obtención das licencias, permisos e autorizacións que de acordo coa lexislación vixente sexan procedentes.
Sétima.-O interesado xustificará o aboamento á Facenda Pública do imposto que grava as concesións e autorizacións administrativas (transmisións patrimoniais e actos xurídicos documentados) ou á oficina liquidadora correspondente.
Contra a presente resolución que é definitiva en vía administrativa, poderase interpor recurso contencioso-administrativo no prazo de dous (2) meses,
que se contarán a partir do día seguinte ó da súa publicación no Diario Oficial de Galicia, ante a Sala do Contencioso-Administrativo do Tribunal Superior de Xustiza de Galicia.
Santiago de Compostela, 1 de setembro de 1998.
P.D. (Orde 17-12-1997, DOG nº 246, do 22)
Juan José Álvarez Pérez
Secretario xeral da Consellería de Pesca,
Marisqueo e Acuicultura
11657