A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, polo procedemento aberto por concurso e trámite de urxencia, con expediente de gasto anticipado, da seguinte contratación:
Servicio de transporte de ida e volta da exposición: «A mirada compracida e a mirada inquieta. A pintura finesecular entre a tradición e a modernidade».
Orzamento de licitación: nove millóns cento setenta mil pesetas (9.170.000 ptas.). IVE incluído.
Prazo de execución: tres (3) meses.
Clasificación do contratista: non se esixe.
Garantía provisional: non se esixe.
Exposición dos pregos: os pregos de prescricións técnicas e de cláusulas administrativas estarán de manifesto para o seu exame no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38.
Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no Diario Oficial de Galicia.
Lugar de presentación de proposicións: no rexistro xeral da Consellería de Cultura, Comunicación Social e Turismo, en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares.
Apertura de proposicións: será realizada pola mesa de contratación ás 11 horas do quinto día natural
seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo terá lugar o inmediato día hábil seguinte á mesma hora.
O importe do anuncio do presente concurso correrá por conta do adxudicatario.
Santiago de Compostela, 5 de xaneiro de 1999.
P.D. (Orde 15-12-1997, DOG nº 243, do 17)
Andrés González Murga
Secretario xeral da Consellería de Cultura,
Comunicación Social e Turismo
90
