A Comunidade Autónoma de Galicia é titular do inmoble onde se sitúa o Albergue de Peregrinos de

Baamonde, situado no termo municipal de Begonte, provincia de Lugo, en virtude de título de compra.

Con data do 6 de novembro de 1998, a través da Consellería de Cultura, Comunicación Social e Turismo, a Sociedade Anónima de Xestión do Plan Xacobeo, sociedade con capital na súa totalidade público e sen fin de lucro, solicitou a adscrición dos bens que integran o Albergue de Peregrinos de Baamonde.

A Consellería de Cultura, Comunicación Social e Turismo, que ten adscritos os bens que integran o dito albergue, coa cualificación de bens de dominio público, emitiu informe favorable da adscricion solicitada.

Visto o informe da Intervención Xeral da Comunidade Autónoma de Galicia do 15 de decembro de 1998, á vista do disposto nos artigos 13 da Lei 3/1985, do 12 de abril, do patrimonio da Comunidade Autónoma de Galicia, e 20 e 21, en relación co 31 do Decreto 50/1989, do 9 de marzo, pola que se aproba o Regulamento para a execución da dita lei, por proposta do conselleiro de Economía e Facenda e logo de deliberación do Consello da Xunta de Galicia na súa reunión do vintetrés de decembro de mil novecentos noventa e oito,

DISPOÑO:

Artigo único.

1. Adscríbense á Sociedade Anónima de Xestión do Plan Xacobeo os bens que integran o Albergue de Peregrinos de Baamonde, situado no termo municipal de Begonte (Lugo), co fin da súa xestión dentro da promoción de aloxamentos relacionados co Camiño de Santiago, no ámbito do obxecto social da dita sociedade, que comprende, entre outras, o deseño, programación, coordinación e, se ó caso, realización desta actividade.

2. Os bens descríbense como segue:

1.-Edificio de planta baixa destinado a garaxe que mide aproximadamente 150 m. Linda: fronte, estrada de Vilalba a Baamonde; dereita entrando, Félix Lagares; esquerda, predio seguinte; e fondo, predio seguinte. Inscrito no Rexistro da Propiedade de Vilalba no tomo 264, libro 35, folio 108, predio nº 3321, inscrición 4ª.

2.-«Revolta», labradío no que hai un almacén ou fragua. Mide aproximadamente 514 m. Linda: fronte, estrada de Vilalba a Baamonde e predio anterior; dereita entrando, Félix Lagares e predio anterior; esquerda, Manuel Jul; e fondo, predio seguinte. Inscrito no Rexistro da Propiedade de Vilalba no tomo 173, libro 28, folio 141, predio nº 2333, inscrición 2ª.

3.-«Vilar de arriba de Revolta de Leiras», labradío de 365,37 m. Linda: norte, herdeiro de Manuel González; sur, predio anterior; leste, resto do predio matriz; e oeste, corredoira de Chafareta. Nesta parcela hai dúas casetas independentes que ocupan

unha superficie de 71,18 m. Inscrito no Rexistro da Propiedade de Vilalba no tomo 322, libro 41, folio 119, predio 4753, inscrición 1ª.

3. O cesionario subscribirá unha póliza todo risco, de perdas ou danos materiais, polo importe do valor dos inmobles segundo o reflectido no Inventario Xeral do Patrimonio da Comunidade Autónoma, e outra póliza de responsabilidade civil que garanta posibles danos a terceiros por un importe mínimo de vintecinco millóns de pesetas. A Comunidade Autónoma de Galicia será a beneficiaria destas pólizas de aseguramento, que se manterán durante todo o período de adscrición.

4. A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade do disposto no presente decreto.

Santiago de Compostela, vintetrés de decembro de mil novecentos noventa e oito.

Manuel Fraga Iribarne

Presidente

José Antonio Orza Fernández

Conselleiro de Economía e Facenda

91