O artigo 12.1º da Orde do 15 de xuño de 1998, de axudas a accións de desenvolvemento e ordenación dos bosques (DOG do 17 de xuño) establece que, unha vez revisadas as solicitudes presentadas, serán expostos nos taboleiros de anuncios dos servicios provinciais de Montes e Industrias Forestais correspondentes as listas de solicitudes que presentan defectos de documentación, co fin de que os interesados poidan presentar aqueles documentos que falten e/ou emendar aqueles outros que non estean debidamente cubertos.

Por iso, para tal efecto,

RESOLVO:

Artigo único.

a) Transcorridos cinco días, contados a partir do seguinte ó da publicación da presente resolución no Diario Oficial de Galicia, serán expostos ó publico, durante dez días, nos taboleiros de anuncios dos Servicios Provinciais de Montes e Industrias Forestais de Ourense e Pontevedra, as respectivas listas de solicitudes con defectos de documentación que se publican no anexo I da presente resolución, nas que se indicarán, ademais, os erros e/ou omisións que deberán ser corrixidos.

b) Dentro do citado prazo de dez días, os afectados poderán comparecer nos respectivos servicios provinciais de Montes e Industrias Forestais e disporán doutro prazo de dez días, contado a partir do seguinte ó da súa comparecencia no servicio provincial, para emenda-los defectos de documentación que afecten os seus expedientes.

c) No caso contrario, o seu expediente será arquivado sen máis trámite, de acordo co previsto no devandito artigo 12.1º da mencionanda orde.

d) Esta resolución serviralles de notificación ós interesados.

Santiago de Compostela, 16 de decembro de 1998.

Tomás Fernández-Couto Juanas

Director xeral de Montes e Medio Ambiente

Natural

ANEXO I

Provincia de Ourense

Servicio Provincial de Montes e Industrias Forestais

r/ Curros Enríquez nº 1-7ª planta

Ourense

Provincia de Pontevedra

Servicio Provincial de Montes e Industrias Forestais

r/ Benito Corbal, 47-8ª planta

Pontevedra

11710