A Dirección Xerencia do Hospital Nicolás Peña de Vigo, en virtude das atribucións que lle foron delegadas conforme o establecido na orde da Consellería de Sanidade e Servicios Sociais do 21 de abril de 1998, convoca o concurso público 1/1999 polo procedemento aberto, con trámite de urxencia e tramitación anticipada de gasto.

Obxecto: prestación de servicio de seguridade para o Hospital Nicolás Peña.

Orzamento: catorce millóns de pesetas (14.000.000 de ptas.), IVE incluído.

Forma de adxudicación: concurso público aberto, con trámite de urxencia e tramitación anticipada.

Prazo de execución: o contrato comezará a rexer a partir do seu asinamento.

Admisión de variantes: admitiranse variantes.

Solvencia económica, financeira e técnica: os licitadores acreditarán a súa solvencia técnica, financeira e económica segundo o establecido no prego de cláusulas administrativas particulares.

Criterios de adxudicación: os definidos na cláusula 11 do prego de cláusulas administrativas particulares.

Documentos de interese para os licitadores: o prego de cláusulas administrativas particulares e demais documentación complementaria estará a disposición dos interesados na Administración do Hospital Nicolás Peña, sita na Avda. das Camelias, 109, Vigo, tódolos días laborables, agás sábados, desde as 9 ás 14 horas.

Fianza provisional: os concursantes deberán acreditar na forma que establece o prego de cláusulas unha fianza provisional de 280.000 ptas.

Presentación de proposicións: as proposicións deberanse presentar en man, en sobres pechados e asinados polo licitador ou persoa que lle represente, no rexistro xeral do Hospital Nicolás Peña, antes das 14 horas do décimo terceiro día natural contado a partir do día seguinte ó da publicación desta resolución no Diario Oficial de Galicia, ou por correo, na forma indicada no artigo 100 do Regulamento xeral de contratos do Estado.

Apertura de proposicións: a apertura das proposicións admitidas será realizada pola Mesa de Contratación reunida en acto público na sala de xuntas do Hospital Nicolás Peña a partir das 8.30 horas do decimo primeiro día natural contado a partir do seguinte a aquel no que finalice o prazo de presentación de ofertas, no caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que deberán presenta-los licitadores: será a establecida no prego de cláusulas administrativas particulares.

Anuncios: o pago dos anuncios do presente concurso serán por conta do adxudicatario do contrato.

Vigo, 11 de decembro de 1998.

Bibiano Fernández-Arruti López

Director xerente do Hospital Nicolás Peña de Vigo

11704