Por acordo do Pleno do Concello en sesión celebrada o día 29 de setembro de 1997, aprobouse o proxecto de apertura e urbanización da travesía do Rueiro en Bertamiráns-Ames. Tramo: p.k. 0+000 a p.k. 0+050.
En acordo adoptado polo Consello da Xunta de Galicia o día 12 de novembro de 1998 declárase urxente, para efectos de aplicación do procedemento que regula o artigo 52 da vixente Lei de expropiación forzosa, do 16 de decembro de 1954, a ocupación de bens e dereitos afectados polo referido proxecto.
Para tal efecto convócanse os propietarios titulares de bens e dereitos afectados que figuran no pé deste escrito, para que comparezan na Casa do Concello o décimo sexto día hábil posterior á última publicación nos medios obrigatorios, e se este fose sábado, o día hábil inmediatamente posterior, de 10 a 11 horas da mañá, co fin de proceder ó levantamento das actas previas á súa ocupación, que recollerán os datos necesarios para a determinación dos dereitos afectados, os seus titulares e o valor daqueles, sen prexuízo do traslado ó lugar dos predios se se considera necesario.
Ó devandito acto deberán acudi-los titulares afectados persoalmente ou ben representados por persoa debidamente autorizada para actuar no seu nome, achegando os documentos acreditativos da súa titu
laridade, documento nacional de identidade e o último recibo de contribución, podendo acompañarse, pola súa conta, se o estiman oportuno, dos seus peritos e un notario.
Tida conta dos antecedentes e en cumprimento do establecido no artigo 17, parágrafo 2º da Lei de expropiación forzosa, ábrese información pública ata o momento do levantamento da acta previa á ocupación correspondente, co fin de que os interesados poidan formular por escrito ante este concello as alegacións que estimen pertinentes, co obxecto de emendar posibles erros que se producisen ó relaciona-los propietarios afectados.
Ames, 10 de decembro de 1998.
José Ramón Agra Romero
Alcalde accidental
Relación de titulares afectados
-Herdeiros de Mª Albardonedo García.
11631