Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Eléctrica-Fenosa, S.A.
Domicilio social: Avda. de Arteixo, 171, 15000 A Coruña.
Denominación: L.M.T.S., C.T. e R.B.T.S. Trav. Vázquez de Parga.
Situación: Carballo.
Descricións técnicas: conexión eléctrica subterránea de media tensión, a 15/20 kV baixo tubo e con conductor R.H.V. 12/20 kV de 3 (1x240) mm Al, de 10 m de lonxitude, con orixe na liña que alimenta ós CC.TT. Bértoa (expediente 50686) e Ambulatorio (expediente 31447) e remate no C.T. travesía Vázquez de Parga, que se vai instalar. Centro de transformación en caseta prefabricada formigón, de 400 kVA e tensións de 15/0,380-0,220 kV, do que parte rede de baixa tensión subterránea en conductor
R.V. 0,6/1 kV de 4 (1x240) mm Al, de 200 m de lonxitude. Carballo.
Cumpridos os trámites ordenados na Lei 54/1997, de 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
A Coruña, 11 de novembro de 1998.
Jesús Espada Martínez
Delegado provincial da Coruña
10754