De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-los acordos de iniciación dos procedementos sancionadores por infracción administrativa da Lei 10/1997, do 22 de agosto, de residuos sólidos urbanos de Galicia (DOG nº 168, do 2 de setembro), por non ser posible a súa notificación.

Noméase intructora do procedemento a Ana Mª Díaz López, funcionaria desta delegación, podendo promove-la súa recusación en calquera momento da tramitación do procedemento, se concorre algunha das circunstancias previstas no artigo 29 da Lei 30/1992, do 26 de novembro, de réxime xurídico das administracións públicas e do procedemento administativo común.

A resolución será acordada polo delegado provincial desta consellería na Coruña, segundo o artigo 43 da Lei 10/1997, do 22 de agosto, de residuos sólidos urbanos de Galicia.

Os interesados disporán dun prazo de quince días, contados a partir do seguinte ó de publicación desta notificación, para que poidan examina-los expedientes na Delegación Provincial desta consellería na Coruña, sita no edificio administrativo de servicios múltiples-Monelos, e para achegaren por escrito cantas alegacións, documentos, informacións ou propostas de probas consideren convenientes en defensa dos seus dereitos, así como para recusación da persoa designada como instructora, se concorre algunha das circunstancias previstas no artigo 28 da Lei 30/1992, do 26 de novembro.

Conforme o establecido no artigo 13.2º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, de non se efectuaren alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción.

O pagamento voluntario porá fin ó expediente. Para efectualo deberán emprega-lo impreso normalizado que lles será facilitado nesta delegación provincial, sita no edificio administrativo de servicios múltiples-Monelos-A Coruña.

O que se lles comunica de acordo coa normativa antes citada, coa Lei 30/1992, do 26 de novembro, e co establecido no R.D. 1398/1993, do 4 de agosto.

A Coruña, 23 de novembro de 1998.

Rogelio Aramburu Núñez

Delegado provincial da Coruña

ANEXO

Expediente: R-98/0026.

Denunciado: Paulo A. Domingues López.

DNI: 09.502.713.

Último enderezo coñecido: A. Pedreira Ríos, 8. Centro Remar-A Coruña.

Feitos denunciados: abandono de mobles usados e outros efectos.

Tipificación Lei de residuos sólidos urbanos:

Artigo: 37.1º.3.

Cualificación: leve.

Sanción proposta: 15.000 ptas. multa.

Expediente: R-98/0033.

Denunciado: Ángel Santos, S.L.

DNI: B-15.068.547.

Último enderezo coñecido: Sol, 74-Ferrol.

Feitos denunciados: vertido de madeira procedente de obras nunha canteira.

Tipificación Lei de residuos sólidos urbanos:

Artigo: 37.1º.3.

Cualificación: leve.

Sanción proposta: 100.000 ptas. multa.

11477