Visto o expediente instruído por instancia de José Manuel Reboredo Iglesias, na súa calidade de representante da entidade mercantil Ciberviaxes, S.A., en solicitude da autorización de apertura dun novo establecemento, en Vigo, na rúa López de Neira, 3-3º, da axencia de viaxes Ciberviaxes, S. A., do grupo minorista, co código identificativo XG-109, que ten a súa casa central na Coruña, na rúa Sánchez Bregua, 5-6, 3º.

Resultando que o interesado coa solicitude xuntou toda a documentación a que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.

Resultando que na tramitación do expediente se observaron tódolos requisitos e formalidades establecidas regulamentariamente.

Considerando que na empresa solicitante e no novo establecemento da axencia de viaxes, concorren tódalas condicións esixidas polo mencionado regulamento para a obtención da súa autorización.

Vistos o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a Orde do 12 de xaneiro de 1998 da Consellería de Cultura, Comunicación Social e Turismo, pola que se delega no director xeral de Turismo a competencia para autoriza-los novos establecementos e

dependencias auxiliares das axencias de viaxes xa autorizadas, a Dirección Xeral do Turismo,

Resolve autorizarlle á axencia de viaxes Ciberviaxes, S. A., sita na Coruña, na rúa Sánchez Bregua, 5-6, 3º, da que é titular a entidade mercantil Ciberviaxes, S.A., a apertura dun novo establecemento na rúa López de Neira, 3 - 3º, Vigo, que será inscrito no Rexistro de Empresas e Actividades Turísticas da Comunidade Autónoma galega.

Contra esta resolución, o interesado poderá interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir o día seguinte ó da súa publicación no Diario Oficial de Galicia

Santiago de Compostela, 16 de novembro de 1998.

P.D. (Orde 12-1-1998)

Aurelio Miras Portugal

Director xeral de Turismo

10840