Visto o expediente do convenio colectivo para o sector de manufacturas e comercio de vidro plano, que tivo entrada nesta delegación provincial o día 4-11-1998, subscrito en representación da parte económica pola Asociación Provincial de Empresarios de Manufactuas y Comerico de Vidrio Plano, e da parte social, polas centrais sindicais CC.OO., UGT y CIG, o 26-10-1998. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundidio da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado
á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 19 de novembro de 1998.
Antonio Coello Bufill
Delegado provincial de Pontevedra
Convenio colectivo de traballo para o sector de manufacturas e comercio de vidro plano
Pontevedra
Capítulo I
Condicións xerais
Artigo 1º.-Partes asinantes.
Son partes asinantes do presente convenio a Confederación Intersidincal Galega (CIG), a Unión Xeral de Traballadores (UGT) e Comisións Obreiras (CC.OO.) en representación dos traballadores, e a Asociación Provincial de Empresarios de Manufacturas e Comercio de Vidro Plano, en representación dos empresarios do sector.
Artigo 2º.-Ámbito de aplicación.
O presente convenio regulará, desde a data da súa entrada en vigor, as relacións económicas e laborais entre as empresas e traballadores encadrados no sector de manufacturas e comercio de vidro plano, que non teñan convenio colectivo de empresa.
Artigo 3º.-Ámbito territorial.
Comprenderá aquelas empresas aludidas no artigo anterior que teñan centro de traballo na provincia de Pontevedra, ou as que se establezan durante a vixencia do presente convenio.
Artigo 4º.-Ámbito personal.
Afectará a todo o persoal administrativo, subalterno e obreiro que preste servicios nas empresas citadas, coa única exclusión do persoal superior a que fai referencia o Estatuto dos traballadores no seu apartado C, artigo 1.
Artigo 5º.-Vixencia e duración.
A duración do convenio será de 3 anos, contados a partir do 1-1-1997 e os seus efectos rematarán o 31 de decembro de 1999.
Entrará en vigor ós dez días do seu asinamento, se ben os efectos económicos da táboa salarial anexa e plus de transporte se retrotraerán ó 1 de xaneiro de 1997.
En consecuencia, as restantes cláusulas, incluído o artigo 15º sobre axudas de custos, serán de aplicación desde a entrada en vigor do convenio, e dicir, a paritr dos dez días do seu asinamento.
Entenderase prorrogado por períodos anuais, se non media denuncia das partes con tres meses, polo menos, ó termo da súa vixencia. A dita denuncia deberá facerse por escrito dirixido á outra parte afectada polo convenio.
Artigo 6º.-Condicións máis beneficiosas.
O persoal que con anterioridade ó convenio viñese desfrutando de condicións máis beneficiosas que as aquí pactadas deberá conservalas.
Artigo 7º.-Recibos de salarios.
As empresas farán constar no recibo de salarios o total das retribucións que percibirá o traballador.
Capítulo II
Condicións laborais
Artigo 8º.-Xornada laboral.
A xornada laboral será de corenta horas efectivas de traballo en cómputo semanal e en xornada partida.
Durante os meses de xullo e agosto realizarase xornada continuada. Non obstante o anterior, o despacho ó púbico permanecerá aberto durante as tardes destes dous meses de xullo e agosto, de dezaseis a dezanove horas, para o cal se establecerán as quendas correspondentes.
Artigo 9º.-Vacacións.
Os traballadores afectados polo presente convenio desfrutarán de 30 días naturais de vacacións entre os meses de maio a outubro, ámbolos dous inclusive.
Artigo 10º.-Pezas de roupa de traballo.
As empresas dotarán o seu persoal das adecuadas pezas de roupa de traballo. O persoal recibirá dúas fundas por ano, ou peza de roupa similar. A primeira funda será entregada o 1 de xaneiro de cada ano e a outra o 1 de xullo; é obrigatorio o seu uso para o persoal ó que se lle entreguen as ditas pezas de roupa de traballo.
Artigo 11º.-Retribucións.
O persoal afectado por este convenio, segundo as categorías, rexerase polas táboas salariais anexas.
Artigo 12º.-Antigüidade.
O persoal afectado por este convenio percibirá a contía dos premios de antigüedade, por esta orde: dous bienios do cinco por cento cada un e sucesivos quinquenios do dez por cento, calculados todos eles sobre o salario mínimo interprofesional vixente en cada momento.
Artigo 13º.-Gratificacións extraordinarias.
O persoal afectado por este convenio colectivo percibirá as gratificacións extraordinarias correspondentes ós meses de xullo e decembro (Nadal), polo importe dunha mensualidade cada unha delas, incre
mentadas cos premios de antigüidade, se é co caso.
Estas pagas serán aboadas cunha anterioridade de tres días á data que correspondan.
Artigo 14º.-Paga de beneficios.
As empresas aboaranlles ós seus traballadores unha paga extra anual, denominada de beneficios, cunha contía que será o resultado de calcula-lo oito por cento denha base integrada por unha mensualidade do salario mínimo enterprofesional vixente o 31 de decembro de cada ano, maila antigüidade correspondente, e multiplicado por doce meses. A dita paga extra deberá serlles aboada ós traballadores durante o primeiro trmestre do ano seguinte.
Para estes efectos, non se computará o tempo de baixa e absentismo laboral; neste caso deducirase a parte de paga proporcional ó tempo non traballado.
Artigo15º.-Axudas de custo.
O importe das axudas de custos será o seguinte:
Ano 98Ano 99
Axuda de custo completa,
pasando a noite4.890 ptas.4.993 ptas.
Axuda de custo completa,
sen pasa-la noite2.794 ptas.2.853 ptas.
Media axuda de custo1.536 ptas.1.568 ptas.
As cantidades fixadas polo concepto de axudas de custo serán de aplicación, segundo o disposto no artigo 5º, a partir da entrada en vigor do convenio, ós dez días do seu asinamento.
Artigo 16º.-Plus de transporte.
Establécese un plus de transporte, que será aboado por día efectivo de traballo, nas contías seguintes:
Do 1-1-1997 ó 31-12-1997: 399 ptas.
Do 1-1-1998 ó 31-12-1998: 409 ptas.
Do 1-1-1999 ó 31-12-1999: 418 ptas.
O dito plus non terá a consideración de salario para ningún efecto, e non se computará, por conseguinte, no aboamento de gratificacións extrordinarias, vacacións, antigüidade, etc...
Artigo 17º.-Táboa de rendementos.
As partes acordan estudiar unha táboa de rendementos mínimos durante a vixencia do presente convenio, para implatala nas empresas e para tal efecto nomearase unha comisión para este asunto. Para iso os traballadores poderán ser asistidos por un técnico na materia para face-la dita táboa, que será elixido por eles.
Artigo 18º.-Festividade do padroeiro.
Acórdase considerar como festivo e aboable para tódolos efectos a tarde correspondente á festividade do padroeiro (San Miguel), que coincide co 29 de setembro.
Artigo 19º.-Noiteboa e Ano Vello.
Os traballadores afectados por este convenio terán derito a desfrutar de descanso nas tardes dos días 24 e 31 de decembro.
Artigo 20º.-Xubilación.
As empresas e traballadores poderán pactar, logo de existencia de común acordo por ámbals partes, xubilacións anticipadas ós 64 anos, de conformidade co disposto no Real decreto 1194/1985, do 17 de xullo; as empresas deberán substituílos simultaneamente ó seú censamento por xubilación, por outros traballadores nas condicións previstas no citado real decreto.
Artigo 21º.-Recoñecemento médico.
Recoméndaselles ós empresarios que, voluntariamente e logo de acordo cos seus traballadores, desexen que estes sexan sometidos a un recoñecemento médico anualmente, soliciten a información pertinente no Gabinete de Seguridade e Hixiene de Rande.
Artigo 22º.-Comisión paritaria.
As partes acordan nomear unha comisión paritaria composta por unha representación dos traballadores e outra empresarial, cun número que se fixará no seu momento, para a interpretación das cláusulas do convenio.
Artigo 23º.-Lexislación paritaria.
En todo aquelo que non quede determinado especialmente neste convenio, serán de aplicación as normas establecidas na lexislación xeral.
Disposición adicional
Para facilitarlles ás empresas o pagamento dos atrasos derivados da aplicación retroactiva dos salarios e plus de transporte, establecidos para a vixencia do convenio, as partes asinantes del acordan que o 50% das diferencias resultantes se aboen durante o mes seguinte á entrada en vigor do convenio, e o 50% restante durante o segundo mes seguinte á súa entrada en vigor.
Vigo, 26 de outubro de 1998.
Do 1-1-97
ó 31-12-97 Do 1-1-98
ó 31-12-98 Do 1-1-99
ó 31-12-99Categorías profesionais Salario mes
Salario mes
Salario mes
Por 30 horas semanais efectivas (R.D. 488/1998)
Administrativos e subalternos
Oficial de 1ª 102.165 104.719 106.918
Oficial de 2ª 94.170 96.524 98.551
Auxiliares 89.068 91.295 93.212
Traballadores en formación laboral:
62.593 64.158 65.505
Do 1-1-97
ó 31-12-97 Do 1-1-98
ó 31-12-98 Do 1-1-99
ó 31-12-99Categorías profesionais Salario mes
Salario mes
Salario mes
Por 30 horas semanais efectivas (R.D. 488/1998)
Vixilantes 81.695 83.737 85.495
Personal obreiro
Oficial de 1ª 94.139 96.492 98.518
Oficial de 2ª 89.068 91.295 93.212
Oficial de 3ª 81.695 83.737 85.495
Peón especialista 79.611 81.601 83.315
Traballadores en formación laboral:
62.593 64.158 65.505
Peón ordinario 77.402 79.337 81.003
11215
