Arturo Albardíaz González, actuando en representación de Repsol Petróleo, S.A., con domicilio en Bens, 15191 A Coruña, solicita, de acordo co artigo 57 da Lei 22/1988, do 28 de xullo, de costas, en concordancia cos artigos 113, 146 e 150 do Regulamento para o seu desenvolvemento e execución, para efectos da declaración de impacto ambiental (Decreto 442/90, do 13 de setembro), autorización para o vertido dun caudal medio de 500 m/hora de augas residuais mediante emisario submarino na rada de Bens (A Coruña).

A auga residual procedente dos procesos sofre un primeiro tratamento de desaceitado por decantación física, seguido dun tratamento primario de homoxeneización, coagulación, floculación e flotación e, a continuación, un tratamento secundario por oxidación biolóxica por lodos activos para o seu posterior vertido mediante emisario submarino de 600 m de lonxitude de polietileno de alta densidade que irá enterrado en gabia.

O que se fai público para xeral coñecemento, por un prazo de trinta días a partir do seguinte á data de publicación no Diario Oficial de Galicia, co fin de que os que se sintan prexudicados poidan presenta-las súas reclamacións, durante o prazo sinalado, nas oficinas de Augas de Galicia sitas nos Edificios Administrativos de San Caetano en Santiago de Compostela e nas oficinas de Augas de Galicia, Demarcación Galicia Norte sitas na rúa Wen

ceslao Fernández Flórez, 1-2º, A Coruña, onde se atopa exposto o expediente de que se trata, para que poida ser examinado por quen o desexe.

Santiago de Compostela, 11 de novembro de 1998.

Agustín Hernández Fernández de Rojas

Presidente de Augas de Galicia

11050