A Xerencia Xeral do Complexo Hospitalario de Santiago de Compostela, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG do 11-5-1998) da Consellería de Sanidade e Servicios Sociais, convoca o seguinte concurso público:
1. Obxecto: servicio de arrendamento de cinco vehículos para asistencia domiciliaria.
2. Orzamento estimado: 4.524.000 pesetas (catro millóns, cincocentas vintecatro mil pesetas), IVE incluído.
3. Fianzas:
a) Provisional: 2 % do orzamento máximo autorizado.
b) Definitiva: 4 % do orzamento máximo autorizado.
Constituiranse segundo o disposto nos artigos 36 e 37, respectivamente, da Lei 13/1995, de contratos das administracións públicas.
4. Forma de adxudicación: concurso público, procedemento aberto e urxente.
5. Prazo de execución: un ano, desde o 1 de xaneiro ou data da siantura do contrato se fose posterior. Antes da súa finalización este contrato poderá prorrogarse logo do acordo das partes, conforme o previsto no número 15 do prego tipo de cláusulas administrativas particulares.
6. Admisión de variantes: consideraranse as ofertas que, mellorando as prescricións técnicas esixidas, non superen o orzamento máximo autorizado.
7. Solvencia económica e financeira: acreditarase por calquera dos medios recollidos no artigo 16 da Lei 13/1995, do 18 de maio, de contratos das administracións públicas (LCAP). Véxase anexo I do prego tipo de cláusulas administrativas particulares.
8. Solvencia técnica: acreditarase por calquera dos medios recollidos no artigo 18 da Lei 13/1995, do 18 de maio, de contratos das administracións públicas (LCAP). Véxase anexo I do prego tipo de cláusulas administrativas particulares.
9. Criterios de adxudicación:
Prezo: ata 6 puntos.
Servicio: ata 2 puntos.
Características técnicas: ata 2 puntos.
10. Documentos de interese para os licitadores: o prego de cláusulas administrativas particulares e demais documentación complementaria pode ser solicitada no Departamento de Contratación Administrativa do Hospital Xeral de Galicia, rúa Galeras s/n 15705 Santiago de Compostela, en días laborables desde as 9 ata as 14 horas.
11. Clasificación: non se esixe.
12. Presentación de proposicións: as proposicións deberán presentarse en man, en sobres pechados e asinados polo licitador ou persoa que o represente, no rexistro xeral do Hospital Xeral de Galicia, rúa Galeras s/n 15705 Santiago de Compostela, antes das 14 horas do décimo terceiro día natural contado a partir do seguinte ó da publicación desta resolución no DOG, ou por correo no xeito indicado no prego de cláusulas administrativas particulares. No caso de que o devandito día coincida en sábado ou festivo, o prazo de presentación finalizará o seguinte día hábil.
13. Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Xeral de Galicia ás 10 horas do décimo día natural contado a partir do seguinte a aquel no que finalice o prazo de presentación de ofertas; en caso de que o dito día coincida en sábado ou festivo, a apertura das proposicións terá lugar o primeiro día hábil seguinte.
14. Documentación que deberán presenta-los licitadores: a documentación que figura no prego de cláusulas administrativas particulares.
15. Anuncios: os anuncios do presente concurso público serán por conta do adxudicatario do contrato.
Santiago de Compostela, 20 de novembro de 1998.
Manuel Ariza López
Xerente xeral do Complexo Hospitalario
de Santiago de Compostela
10962
